Rs.30,000 Salary Me Kaise Banaye ₹25 Lakh - Lower Middle Class ke Liye Best Finance Management Tips.

Posted by

Aaj ke time me har koi chahata hai ki uski salary ka best use ho, khaaskar jab salary ₹30,000 ho aur zimmedariyaan zyada. Is blog me hum ek realistic aur simple finance plan discuss karenge jo specially lower middle class ke liye banaya gaya hai. 

Step 1: Health Insurance - Pehla Raksha Kawach

Sabse pehle aapko apna aur apni family ka health secure karna chahiye. Agar aap kisi acchi company me kaam kar rahe hain jo health insurance provide karti hai, to aapki badi bachat ho sakti hai.

Example: Mujhe meri company Rs.2,000 yearly premium me ₹2 lakh ka family health insurance deti hai. Agar mai khud leta to mujhe Rs.18,000 ka kharcha aata.

Agar Company Insurance Nahi Deti?

To aapko khud ka health insurance lena bahut zaruri hai. Medical emergencies bina warning ke aati hain aur sari savings ek jhatke me chali ja sakti hain. aapko health insurance 1 saal ka approx Rs.18,000 se Rs.20,000 ka premium aa sakta hai.

Average Monthly Cost: Rs.1,500



Step 2: Term Insurance - Family Ka Future Safe Kijiye

Agar aap ghar ke ek hi earning member hain, to aapko ek Term Plan lena chahiye.

  • Monthly Premium: Rs.600-Rs.700
  • Benefit: Rs.1 crore tak ka cover
  • Cover Type: Sirf death benefit

Yeh plan aapki family ko financially secure rakhega agar aap nahi rahe to.

Step 3: Rent Planning - Semi Urban Area Ka Fayda Uthaye

Bade cities jaise Ahmedabad, Delhi, Mumbai me rent bahut high hota hai.

Agar aapke pas papa aur dada ki taraf se mila huva ghar hai to Mubarak ho, aapki life aur zyada asaan ho jayegi. Lekin agar aapki family pehle se poor ya low middle class rahi hogi to , aur aapke paas khud ka ghar nahi hai to aap koi aise city me rahiye jaha pe connectivity ho lekin ghar ka rent zyada mehnga na ho. Matlab semi urba area me rehna thik rahega. Kyoki Ahmedabad, surat, Mumbai, delhi jaise cities me ghar ka rent bahot zyada hota hai. to aapko semi urban area me rehna hai..

Me apna example du to Ahmedabad se 50km dur Mansa Sheher me rehta tha. Ahmedabad me Home rent Rs.20,000 se Rs.25,000 starting hote hai jab ki mansa me Rent Rs.3000-Rs.4000 aur maximum Rs.5000 me achhi socity me ghar mil jata hai ek chhoti family ke liye. Aur me by bus mai daily updown karta tha. Aur mere mahine ka transportation ka kharcha Rs.1,200 hota tha, ha travelling me daily 2 hour aur 30 minit jaate the lekin budget set ho jata tha.

To ye tha mera example jis se aap bade shaher me job bhi kar sakte ho aur near by semi urban city me ache se reh bhi sakte ho.

Solution: Job bade city me aur rehna uske pass kisi semi-urban area me.

Mere is Example aap dekh payege ki kitna cost cut kiya:

  • Ahmedabad me rent: Rs.20,000-Rs.25,000
  • Mansa (50km dur): Rs.4,000 + Rs.1,200 transport = Total Rs.5,200

Isse monthly Rs.15,000 tak bachat ho sakti hai.

Step 4: Smart Saving aur Investment Plan


Salary bachi: Rs.30,000 - Rs.2,000 (Insurance) = Rs.28,000

Ghar Ke Kharch:

  • Monthly Expense + Home Rent : Rs.20,000
  • Bachi Salary: Rs.8,000

SIP Investment:

  • Start with: Rs.1,500/month agar 15% per year Return mile to
  • Har saal 10% badhayein
  • 15 saal baad amount: Rs.16,65,000 approx.

Ab aapko ko har mahine Rs.1500 SIP me invest karna Start kardo aur har saal jab bhi salary badhe to apna investment bhi 10% se badha do for example 1st year Rs.1,500 SIP and 2nd year 1,500+(1500x10%) = 1,650, 3rd year Rs.1,650+(1650+10%)=Rs.1,815, Ye kaam agar aap 15 saal tak karte ho to aapke paise  Rs.16,65,000 ho jayege.

ye caclulation maine 15% per year return ke hisaab se count kiya hai, jo ki market standard hai. kabhi kabhi market upar hone ke case me return zyada ho sakta hai aur market niche hone ke cases me return kam bhi ho sakta hai. lekin aaj tak ye record raha hai ki 5 saal se jyada ke investment me kabhi 15% se kam return nahi mila. isiliye maine 15% return Calculate kiya hai.

FD for Emergency Fund:

  • Rs.1,500/month bank saving 7% Return Per Year.
  • Har saal FD banayein
  • 15 saal me FD total: Rs.7,82,575 approx.

Ab aap Rs.1500 bank account me rakh do 1 saal ke liye aur 1 saal baad wo Rs.18,000 ho jayage (Rs.1500 har mahine aur 12 mahine ke Rs.18,000). 1 saal ka bank jama kiya huva paisa Bank me FD karva lo jaha 7% interest milta ho. Aur use bhi 10% badhate jao matlab agle saal se Rs.1650 bank me jama rakdo aur 12 mahine baad Rs.19,800 (Rs.1,650 har mahine aur 12 mahine ke baad 19,800) aur use Fixed deposit karva lo, aise hi har saal mahine me 10% se apna investment badha lo aur 15 saal tak ye kaam kiya to aapke paas Rs.7,82,575 hoge.

Step 5: Gold Investment - Long Term Backup

Aap FD ki tarah Rs.2,000 bank me paisa rakhdo aur 12 mahine baad Rs.24,000 ho jayege jis se aap gold kharid lo apni maa, aur biwi ko gift do kisi tyohar me.



Ek baat dhyan se suno gold ek aisi chiz hai jo mushkil wakq me kaam aati hai. aur apne ghar ka gehna apni gharki aurto ko khush bhi rakhta hai. har saal gold ki value badh jaati hai. agar aap pehle saal Rs.24,000 ka sona kharida fir agle saal aap 10% badhake Rs.26,400 ka son kharid lo.

Agar chaho to sone ke sikke ya biscuit bhi kharid sakte ho.

Sabse bada fayda rate fluctuation ka hoga. kyoki sone ke daam 12 saal pehle Rs.30,000 se Rs.35,000 the jo aaj ki date me Rs.1 Lakh ke karib hai.

 

Step 6: Rs.2,000 Reserve Rakhein

Yeh paisa unplanned expenses ke liye rakhein:

  • Functions
  • Travel
  • Festivals

Ab bache hai Rs.2000 jise aap reserve rakho. Matlab kabhi bhi extra kharch aa sakta ha, jaise kahi bahar jana huva, kisi ki shaadi attend karna ya koi bhi kharcha. Inshort me aapko mahine me Rs.6000 jaisa mene kaha vese invest karoge to 15 saal baad SIP se Rs.16,65,000 + FD se Rs.7,82,500 yaani total  Rs.24,47,500 matlab abhi humne gold count nahi kiya.

 

Conclusion: 15 Saal me Bane Rs.25 Lakh Ke Malik

Agar aap discipline ke saath har mahine Rs.6,000 invest karte hain to:

  • SIP se: Rs.16,65,000
  • FD se: Rs.7,82,500
  • Total = Rs.24,47,500 (Gold alag)

Ye Plan Kiske Liye Hai?

  • Salary: Rs.30,000/month
  • Background: Lower Middle Class
  • Goal: Low risk, long-term wealth

Agar aapki age 25 saal hai to 40 ki age me aap ke paas approx. Rs.25 lakh ka amount hoga.  Vaise to bahot sare raste hai investment karne ke liye lekin me ye sabse safe samajta hu. Kyoki share market me investment ke liye aapko stock market ki knowledge aur reaserch karna padega jo ek educated persons hi kar payega. Mahine Rs.30,000 ki salary matlab aaj ki date me low middle class belonging hai uske liye ye strategy best rahegi. Na jyada risk aur nahi zyada investment. But ha aapko discipline se invest karna jaruri hai.

 

Ab aap kahenege ki aur bhi kharche ayage jaise khud ki shaadi, behen ki shaadi ya padhai. To mai ye thoda add karuga ki aap future me loan bhi le sakte ho aur aapki salary every year badhegi. Jaise aap 10% investment me add karte jaoge to aapki onhand salary badhti jayegi.

Ye plan simple aur sweet hai. kam risk lekin 40 saal ki age me aap lakhpati ban jayege.


Special Note.: Maine Jo bhi calculation kiya hai uski Excel Sheet me Attach kar raha hu. jis se aapko andaza laga sakte hai ki lakhpati banna  possible hai. Excel Sheet yaha se Download karen.

 

Call to Action:

Aap is simple aur safe investment plan ko follow karke apni financial journey secure bana sakte hain. Agar aapko ye blog pasand aaye to share karein aur apna feedback zarur dein!


Agar aapko mera ye article achha laga ho to apne friends aur dosto ke saath share kar sakte hai,  aap apne sujhav aur problems comment ya mail mail kr sakte hai. me apni taraf se aapko financially sujhav dene ki puri koshish karuga.

 

Namaste! Mera naam Jaydip Solanki hai. Main pichhle 12 saalon se accounting aur finance ke kshetra mein kaam kar raha hoon. Is blog Rupigyan.online ke madhyam se main apna personal aur professional anubhav aap sab ke saath share karta hoon, jisme aapko milenge: Finance aur personal budgeting tips Stock market aur investments ki jankari Loans, credit card aur insurance se judi useful baatein Indian taxation aur finance laws ka simplified gyaan Mera lakshya hai ki main har vyakti tak sahi aur saral bhasha mein financial knowledge pahuchaaun, taaki wo apne arthik nirnay khud le sakein – bina kisi confusion ke. Rupigyan – Rupi ka Gyan, Hindi me Asaan.

Comments

Post a Comment